ირანი ჰუსიტების მეშვეობით სუეცის არხში „კარიბჭის” დახურვას გეგმავს. ამის შესახებ ინფორმაციას საინფორმაციო სააგენტო Reuters-ი საკუთარ წყაროებზე დაყრდნობით ავრცელებს.

წყაროების ინფორმაციით, ირანმა იემენის ჰუსიტების მოძრაობას მიმართა თხოვნით, რომ მზად იყვნენ ბაბ-ელ-მანდების სრუტე გადაკეტონ წითელ ზღვაში თუ აშშ დარტყმებს მიიტანს ირანის კრიტიკულ ინფრასტრუქტურაზე.

სრუტის გადაკეტვის იდეა ირანის ისლამური რესპუბლიკის ხელმძღვანელობაში განიხილებოდა და შესაბამისი მესიჯი ირანის მოკავშირე ჰუსიტებს გადაეცა.

ჰუსიტებთან ახლოს მყოფი წყაროს ინფორმაციით, დაჯგუფებამ მომზადება დაასრულა გემებზე თავდასხმისთვის, და რაკეტები და დრონები განალაგა ბაბ-ელ-მანდების სრუტესთან მახლობლად - იემენის მთიან რეგიონებში, საიდანაც ხოდეიდა და ადენის ყურე ჩანს, და ოპერაციის დაწყებაზე ბრძანებას ელოდება.

წყაროების ინფორმაციით, ირანის “ისლამური რევოლუციის გუშაგთა კორპუსის” წარმომადგენლები, რომლებიც იემენში იმყოფებიან, გააკონტროლებენ იმაზე გადაწყვეტილებას თუ როდის დახურონ ბაბ-ელ-მანდების სრუტე.