აშშ-ის სამხედრო ძალებმა ირანის წინააღმდეგ საჰაერო დარტყმების ახალი ტალღა დაიწყეს, - ამის შესახებ აშშ-ის ცენტრალური სარდლობა (CENTCOM) X-ზე გამოქვეყნებულ პოსტში წერს.

„CENTCOM-მა ირანის წინააღმდეგ დარტყმების ახალი ტალღა დაიწყო. ეს ოპერაციის ზედიზედ მეცხრე ღამეა“, - ნათქვამია ცენტრალური სარდლობის განცხადებაში.

მათივე ინფორმაციით, ეს დარტყმები გაგრძელდება იმ მიზნით, რომ შეასუსტოს ირანის სამხედრო შესაძლებლობები, რომლებიც გამოიყენება ჰორმუზის სრუტეში მოძრავი გემებისა და მეზღვაურების წინააღმდეგ თავდასხმების განსახორციელებლად.