აშშ-სა და ირანს შორის დიპლომატიური კომუნიკაცია მედიატორების მეშვეობით გრძელდება, - Guardian-ის ინფორმაციით, ამის შესახებ ირანის საგარეო საქმეთა სამინისტროს პრესსპიკერმა ისმაილ ბაღაიმ განაცხადა.

„მედიატორებისგან მივიღეთ ინფორმაცია, მივიღეთ შეტყობინებები - დეტალებში არ შევალ - თუმცა მთავარი ისაა, რომ ბოლო დღეებში დიპლომატიური აპარატი აქტიურად მუშაობდა და გარკვეულმა მედიატორებმა იდეები მოგვაწოდეს”, - აღნიშნა ისმაილ ბაღაიმ.

მისი თქმით, ირანს მტკიცედ აქვს გადაწყვეტილი, მიიღოს ყველა აუცილებელი ზომა საკუთარი სუვერენიტეტისა და ეროვნული უსაფრთხოების დასაცავად.