კირ სტარმერი ბუკინგემის სასახლეში მეფე ჩარლზ III-ს შეხვდა და გაერთიანებული სამეფოს პრემიერ-მინისტრის პოსტი ოფიციალურად დატოვა, - ინფორმაციას BBC-ი ავრცელებს.

„პარლამენტის წევრმა სერ კირ სტარმერმა დღეს დილით მეფესთან აუდიენცია გამართა და პრემიერ-მინისტრისა და ხაზინის პირველი ლორდის თანამდებობიდან გადადგომის შესახებ განცხადება წარადგინა, რომელიც მისმა უდიდებულესობამ სიამოვნებით მიიღო“, - აღნიშნულია ბუკინგემის სასახლის განცხადებაში.

მანამდე სტარმერმა დაუნინგთ სთრითში გამოსამშვიდობებელ სიტყვა წარმოთქვა და განაცხადა, რომ თანამდებობას ღირსეულად, ღიმილით და სიამაყით ტოვებს.

ჩემი სამუშაო დასრულებულია. მივდივარ ღირსეულად, ღიმილით და ვამაყობ ყველაფრით, რასაც მივაღწიეთ“, - აღნიშნა სტარმერმა.

მისი თქმით, პრემიერ-მინისტრობის ვადის ამოწურვის შემდეგ ქვეყნის ეკონომიკა უფრო ძლიერია, საჯარო სერვისები აღმავლობის პროცესშია, ბავშვები სიღარიბიდან გამოდიან, იმიგრაცია შემცირდა და საერთაშორისო რეპუტაცია მნიშვნელოვნად გაუმჯობესდა.

სტარმერის თქმით, მხარს უჭერს მომავალ პრემიერ-მინისტრს ენდი ბერნემს.

„ვუსურვებ მას წარმატებებს, მას ჩემი სრული მხარდაჭერა აქვს“, - აღნიშნა სტარმერმა.