რუმინეთის საჰაერო ძალებმა ქვეყნის ტერიტორიაზე დრონი ჩამოაგდეს, - ამის შესახებ რუმინეთის პრეზიდენტი ნიკუშორ დანი სოციალურ ქსელში წერს.

ნიკუშორ დანის ცნობით, რუმინეთის საჰაერო ძალებმა ბოლო ორი დღის განმავლობაში უკვე მეორედ, დრონი ჩამოაგდეს, რომელმაც ქვეყნის საჰაერო სივრცე დაარღვია.

„დღეს დილით, 8:30 საათზე, რუმინეთის საჰაერო სივრცეში, სფინტუ-გეორგედან დასავლეთით 10 კმ-ში, ახალი დრონი ჩამოაგდეს. დრონი რუმინელმა პილოტმა F-16 ტიპის ავიაგამანადგურებლიდან ჩამოაგდო“, - წერს რუმინეთის პრეზიდენტი X-ზე.

ცნობისთვის, პარასკევს რუმინეთის თავდაცვის სამინისტრომ ინფორმაცია გაავრცელა, რომ საჰაერო ძალებმა პირველად, ქვეყნის საჰაერო სივრცეში შესული დრონი ჩამოაგდეს. უწყების განცხადებით, დრონი რუმინეთის საჰაერო ძალების F-16-ის ტიპის ავიაგამანადგურებელმა გაანეიტრალა.