იტალიის თავდაცვის მინისტრის განცხადებით, მიხაილო ფედოროვს მისი მრჩევლის თანამდებობაზე მუშაობა შესთავაზა.

„მას გათავისუფლებიდან მეორე დღეს დავურეკე და ვკითხე: როდის გსურს რომში ჩამოსვლა და ჩემთან მრჩევლის რანგში მუშაობა?“, - განაცხადა იტალიის თავდაცვის მინისტრმა, გვიდო კროსეტომ.

მისი თქმით, უკრაინის თავდაცვის მინისტრმა, მიხაილო ფედოროვმა შეთავაზება „პატივისცემისა და მეგობრობის გამოხატულებად“ მიიღო.

„ის ერთ-ერთია იმ ადამიანებს შორის, ვინც ბრძოლის ველზე თამაშის წესები სრულად გადაწერა“, - აღნიშნა იტალიის თავდაცვის მინისტრმა.

ცნობისთვის, უკრაინის პრეზიდენტმა ვოლოდიმირ ზელენსკიმ მიხაილო ფედოროვს მთავრობის შემადგენლობაში სხვადასხვა თანამდებობებზე მუშაობა შესთავაზა, თუმცა ფედოროვმა განაცხადა, რომ თავდაცვის მინისტრის გარდა არცერთ სხვა თანამდებობას არ დათანხმდება.