,,უსაფრთხო და ძლიერი საქართველოსთვის” - ამ ლოზუნგით შაბათის მარშის მონაწილეები თბილისში, საპროტესტო მსვლელობას მართავენ. აქციის მონაწილეები თავდაპირველად ავლაბრის მეტროსადგურთან შეიკრიბნენ, საიდანაც მსვლელობით პარლამენტისკენ მიემართებიან.

აქციის მონაწილეების თქმით, შაბათის მარში არის იმის დემონსტრირება, რომ მოქალაქეები საქართველოს უკეთესი მომავლისთვის ბრძოლას არ წყვეტენ. მათი თქმით, იბრძოლებენ იქამდე, ვიდრე ქვეყანა არ გახდება თავისუფალი და დამოუკიდებელი.

ამასთან, მარშის მონაწილეებმა წუთიერი დუმილით პატივი მიაგეს, გასულ კვირას, ვერაზე მოკლულ 17 წლის ნიკოლოზ ღუნაშვილის ხსოვნას, რომელსაც დღეს, დაბადების დღე აქვს.

,,ნიკოლოზ ღუმაშვილის სიკვდილი არის ივანიშვილის არასწორი პოლიტიკით გამოწვეული. ქვეყანაში არის დაუსჯელობის სინდრომი და ამ უსამართლობას შეეწირა 17 წლის ნიკოლოზი”,- განაცხადეს აქციაზე.

ამასთან, პროტესტის მონაწილეებს უჭირავთ ბანერები წარწერებით:

,,ქურს ქუდი ეწვოდა, ხიხოს -ახალი სახელი", "აფხაზეთი, სამაჩაბლო საქართველოა", "სოლიდარობა ვახო სანაიას".