ირანის ხელმძღვანელობა წარმოუდგენლად ორპირია, - ამის შესახებ აშშ-ის პრეზიდენტი დონალდ ტრამპი სოციალურ ქსელში წერს.

„ისინი შეხვედრას ითხოვენ, ზოგიერთი იტყვის, „იხვეწებიან“, მოლაპარაკებები იწყება, უახლოეს მომავალში კიდევ რამდენიმე შეხვედრაა დაგეგმილი და შემდეგ ისინი ღიად და ამაყად ამბობენ, რომ არანაირი მოლაპარაკებები არ არის, საუბარი არაფერზე მიმდინარეობს და საქმეს მხოლოდ „ომანთან“ აწარმოებენ. შემდეგ კი თავიანთ ჩვეულ ლაყბობას აგრძელებენ და ამბობენ, რომ ჰორმუზის სრუტე მათ მიერ ძლიერად მართული იქნება, მაშინ როდესაც მას უკვე სრულად აკონტროლებს აშშ-ის სამხედრო-საზღვაო ძალები და ჩვენი „ბლოკადა“ ან, როგორც ზოგიერთები ამბობენ, „ამერიკის შეერთებული შტატების ფოლადის კედელი!“, - წერს ტრამპი Truth Social-ზე.

მისი თქმით, აშშ-ის ნებართვის გარეშე ირანამდე არაფერი აღწევს.

„ირანამდე ვერაფერი მივა, თუ შეთანხმების ან სრული კაპიტულაციის მიღწევა არ მოხდება. სურს თუ არა ირანს ამის აღიარება, ჩვენ რეალურად ვსაუბრობთ იმ პრობლემის მოგვარებაზე, რომელსაც ისინი ათწლეულების განმავლობაში ქმნიან. ეს ძალიან მარტივია, ირანს ბირთვული იარაღი არასდროს ექნება!“, - აცხადებს ტრამპი.