რუსებმა კიევს ბალისტიკური რაკეტებით შეუტიეს, დაიღუპა 5 ადამიანი და დაშავდა 23
რუსულმა ძალებმა კიევზე ბალისტიკური რაკეტებით შეტევა განახორციელეს, რის შედეგადაც ხუთი ადამიანი დაიღუპა და რამდენიმე დაშავდა, - ინფორმაციას უკრაინული მედია კიევის მერზე, ვიტალი კლიჩკოზე დაყრდნობით ავრცელებს.
კლიჩკოს განცხადებით, თავდასხმის შედეგები ქალაქის დარნიცკის, სვიატოშინსკის და სოლომიანსკის რაიონებში 12-ზე მეტ ადგილას ფიქსირდება.
თავდასხმის შედეგად დაზიანდა საცხოვრებელი შენობები, სამედიცინო დაწესებულება და საგანმანათლებლო დაწესებულება. ხანძარი გაჩნდა დიდ ფართობზე განლაგებულ საწყობებში.
„სამწუხაროდ, მტრის თავდასხმის შედეგად ხუთი ადამიანი დაიღუპა და 23 დაშავდა“, - აღნიშნა კლიჩკომ.
