აჭარის მთავრობის სახლთან, სადაც საპროტესტო აქცია მიმდინარეობდა, ინციდენტი მოხდა.

აქციის მონაწილეების თქმით, მათ უცხო პირები თავს დაესხნენ და სიტყვიერი და ფიზიკური შეურაცხყოფა მიაყენეს.

“რუსეთი ოკუპანტია" - ტრანსპარანტები გვქონდა გამოფენილი, როგორც ჩანს არ მოეწონათ, ბავშვების თვალწინ აქციის მონაწილეებს ფიზიკურად გაუსწორდნენ. გვემუქრებოდნენ, თავად დაგვესხნენ თავს, ფაქტის შესახებ 112-ში დავრეკეთ, არაფერი არ ვიცით, თავდამსხმელები თუ დააკავეს”, - ამბობენ აქციის მონაწილეები.

აქციის მონაწილეებმა სასწრაფო დახმარებაც გამოიძახეს, მათ შესაბამისი დახმარება ადგილზე გაეწიათ.

შეგახსენებთ, აჭარის მთავრობის სახლთან საპროტესტო აქციები თითქმის ორი წელია უწყვეტად მიმდინარეობს.