სამწუხაროდ, სადაზვერვო მონაცემები და რუსეთიდან სიგნალები მიუთითებს, რომ პუტინს ომის გაგრძელება სურს, - ამის შესახებ უკრაინის პრეზიდენტმა ვოლოდიმირ ზელენსკიმ საღამოს გავრცელებულ მიმართვაში განაცხადა.

ვოლოდიმირ ზელენსკის ცნობით, აშშ-ის პრეზიდენტის წარმომადგენლებს, სტივ უიტკოფსა და ჯარედ კუშნერს სატელეფონო საუბრის დროს ფრონტის ხაზზე არსებული ვითარებისა და რუსეთის თავდასხმების შესახებ ინფორმაცია მიაწოდა.

„აშშ-ის პრეზიდენტის წარმომადგენლები, სტივ უიტკოფი და ჯარედ კუშნერი ემზადებიან შეხვედრებისთვის და რუსულ მხარესთან შესაბამისი კომუნიკაციისთვის, ასევე უკრაინაში ვიზიტისთვის. აუცილებელია, რომ მოსკოვში, პუტინისგან შესაბამისი განწყობა იყოს - ომის დასრულების და არა ომის გაგრძელების. ვნახოთ, რას შეძლებენ აშშ-ის პრეზიდენტის წარმომადგენლები. სექტემბერში ბევრი რამ შეიძლება შეიცვალოს და ჩვენს პარტნიორებთან ერთად ყველაფერი უნდა გავაკეთოთ ადამიანების სიცოცხლის დასაცავად და მშვიდობის მისაღწევად“, - განაცხადა ზელენსკიმ.