აჭარის მთავრობის სახლთან აქციის მონაწილეებზე თავდასხმის ფაქტზე საქართველოს შინაგან საქმეთა სამინისტრომ გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.

ფაქტთან დაკავშირებით ამ დროისთვის არავინ არის დაკავებული.

დღეს აჭარის მთავრობის სახლთან, სადაც საპროტესტო აქცია მიმდინარეობდა, აქციის მონაწილეებს უცნობი პირები დაუპირისპირდნენ.

აქციის მონაწილეების განცხადებით, მათ უცნობმა პირებმა ფიზიკური და სიტყვიერი შეურაცხყოფა მიაყენეს. მათი თქმით, დაპირისპირების მიზეზი აქციაზე გამოფენილი ტრანსპარანტები გახდა, წარწერებით - „რუსეთი ოკუპანტია“ და „საქართველოს ადგილი ევროპაშია“.