კუნძულ ხარგის შესახებ პოსტით დონალდ ტრამპმა ირანს მესიჯი გაუგზავნა, - ამის შესახებ აშშ-ის ვიცე-პრეზიდენტმა ჯეი დი ვენსმა განაცხადა.

„პრეზიდენტს სოციალურ ქსელში სტილის შეცვლა უყვარს. თვითონ იქნება პირველი, რომელიც იტყვის, რომ სოციალურ ქსელში სამხედრო მოქმედებების შესახებ განცხადებებს არ აკეთებს, თუმცა ვფიქრობ, რომ ირანელებს მესიჯი გაუგზავნა“, - განაცხადა ჯეი დი ვენსმა.

ცნობისთვის, დონალდ ტრამპმა Truth Social-ზე ხელოვნური ინტელექტის მიერ გენერირებული ვიდეო გამოაქვეყნა, სადაც ჩანს, თუ როგორ იბომბება კუნძული ხარგი.

„კუნძული ხარგი ნანგრევებად იქცევა!!! პრეზიდენტი დონალდ ტრამპი“, - დაწერა ტრამპმა ვიდეოსთან ერთად.

ამერიკელმა მაღალჩინოსანმა Reuters-ს განუცხადა, რომ გასულ ღამეს ირანის წინააღმდეგ განხორციელებული დარტყმების დროს, აშშ-ს კუნძული ხარგი არ დაუბომბავს.