Reuters - საუდის არაბეთში „ჰუსიტების“ იერიშების შედეგად, სულ მცირე, 73 ადამიანი დაშავდა
საუდის არაბეთში „ჰუსიტების“ იერიშების შედეგად, სულ მცირე, 73 ადამიანი დაშავდა, - ინფორმაციას Reuters-ი ავრცელებს.
იემენში საუდის არაბეთის ხელმძღვანელობით მოქმედი სამხედრო კოალიციის წარმომადგენლის, პოლკოვნიკი ტურკი ალ-მალქის ცნობით, ირანის მიერ მხარდაჭერილმა „ჰუსიტებმა“ საუდის არაბეთის რამდენიმე ქალაქზე იერიში მიიტანეს.
„კოალიცია ყველა საჭირო ოპერატიულ ზომას მიიღებს ამ ტერორისტული დაჯგუფების შესაჩერებლად“, - განაცხადა კოალიციის წარმომადგენელმა.
ცნობისთვის, იემენელმა „ჰუსიტებმა“ საუდის არაბეთის წინააღმდეგ იერიშები ივლისში განაახლეს, მას შემდეგ, რაც წითელ ზღვაში საზღვაო ბლოკადის დაწესების შესახებ გამოაცხადეს.
