თეირანი მეტროს სადგურებს თავშესაფრებად გამოსაყენებლად ამზადებს, - The Iran International-ის ცნობით, ამის შესახებ საქალაქო საბჭოს თავმჯდომარემ, მეჰდი ჩამრანმა, განაცხადა.

მისი თქმით, აუცილებელი ობიექტები სადგურების შიგნით ან მათ მახლობლად აშენდება, თუმცა გრაფიკი არ დაუკონკრეტებია.

როგორც საქალაქო საბჭოს თავმჯდომარემ განაცხადა, შესაბამისი ნიშნები დამონტაჟდება სპეციალურად განსაზღვრული თავშესაფრების აღსანიშნავად და მოსახლეობას წინასწარ უნდა მიეწოდოს ინფორმაცია მათი ადგილმდებარეობის შესახებ, რათა კრიზისის ან საგანგებო ვითარებისას მათ მოსაძებნად დრო არ დაეკარგოთ.