უკრაინის პრეზიდენტის, ვოლოდიმირ ზელენსკის განცხადებით, აშშ-ის პრეზიდენტთან დონალდ ტრამპთან შეხვედრას სექტემბრის მეორე ნახევარში ელის.

ზელენსკიმ ჟურნალისტებთან საუბარში აღნიშნა, რომ ტრამპთან შეხვედრაზე ბალისტიკური რაკეტების უკრაინისთვის მიწოდების საკითხს განიხილავს.

„ვიმედოვნებ, რომ პრეზიდენტ ტრამპთან შეხვედრა 20 რიცხვებში შედგება და ამ საკითხს განვიხილავთ. ღმერთმა ქნას, შედეგიც იყოს“, - განაცხადა ზელენსკიმ.

ასევე, მისი თქმით, უკრაინას, რუსეთსა და აშშ-ს შორის სამმხრივი ფორმატის შეხვედრის ჩატარების შესაძლებლობა არსებობს.

„ყველა დეტალის გამხელა არ შემიძლია. ამერიკულ მხარესთან შევთანხმდით, რომ ჯერ ყველაფერს მოვამზადებთ, ხოლო შემდეგ საზოგადოებას ვაცნობებთ“, - აღნიშნა უკრაინის პრეზიდენტმა.