უნგრეთმა ქვეყნიდან 10 რუსი დიპლომატი გააძევა
უნგრეთმა ქვეყნიდან 10 რუსი დიპლომატი გააძევა, - ინფორმაციას უნგრეთის საგარეო საქმეთა მინისტრი, ანიტა ორბანი ავრცელებს.
„ჩემი მითითებით, სამშაბათს საგარეო საქმეთა სამინისტროს წარმომადგენელმა უნგრეთში რუსეთის ელჩს აცნობა, რომ უნგრეთის ხელისუფლების შეფასებით, რუსეთის მისიის 10 წევრი ისეთ საქმიანობაში იყო ჩართული, რომელიც ვენის კონვენციის თანახმად დიპლომატებისთვის მიუღებელია“, - აცხადებს უნგრეთის საგარეო საქმეთა მინისტრი.
ანიტა ორბანის განცხადებით, აღნიშნული გადაწყვეტილება უნგრეთის უსაფრთხოებასა და სუვერენიტეტს იცავს.
„ეს რუსეთთან დიპლომატიური ურთიერთობების გაწყვეტას არ ნიშნავს. უნგრეთი გეგმავს გააგრძელოს აუცილებელი დიალოგი, რომელიც ურთიერთპატივისცემასა და წესების დაცვაზე იქნება დაფუძნებული“, - წერს ანიტა ორბანი სოციალურ ქსელში.
