რუსებმა ხარკოვის ოლქის ქალაქ იზიუმს დაარტყეს, არიან დაშავებულები
რუსებმა ხარკოვის ოლქის ქალაქ იზიუმს დაარტყეს, არიან დაშავებულები, - ამის შესახებ ინფორმაციას უკრაინული მედია ხარკოვის საოლქო-სამხედრო ადმინისტრაციის ხელმძღვანელზე, ოლეგ სინეგუბოვზე დაყრდნობით ავრცელებს.
რუსულმა ძალებმა ქალაქ იზიუმს ავიაბომბებით შეუტიეს, რის შედეგადაც, სამი ადამიანი, მათ შორის ორი თვის ბავშვი დაშავდა.
სინეგუბოვის ცნობით, რუსების იერიშის შედეგად 4 კერძო საცხოვრებელი სახლი განადგურდა, ხოლო 5 კერძო სახლი და ავტომობილი დაზიანდა.
მისი თქმით, ადგილზე შესაბამისი სახელმწიფო სამსახურები მუშაობენ.
