ის, რაც ლაიფციგის აეროპორტში მოხდა, საფრანგეთშიც შეიძლება მოხდეს. ამის შესახებ საფრანგეთის პრეზიდენტმა, ემანუელ მაკრონმა ფრანგულ ტელეარხთან ინტერვიუში განაცხადა.

როდესაც მას გერმანიის ლაფიციგის აეროპორტში მომხდარ თავდასხმაზე ჰკითხეს, მაკრონმა უპასუხა, რომ საფრანგეთში მსგავსი თავდასხმები არ ყოფილა, მაგრამ “ეს შეიძლება მოხდეს”.

“პასუხია კი. რუსეთი ევროპას უკრაინის სტრატეგიულ სიღრმედ განიხილავს. წლებია თავდასხმის ქვეშ ვართ ყველა ფრონტზე. ბოლო კვირების განმავლობაში დაძაბულობა იზრდება”, - განაცხადა მაკრონმა. მას ასევე ჰკითხეს გამოცემა El Mundo-ს მიერ გავრცელებულ ინფორმაციაზე, თითოს ამერიკულმა CIA-მ გაფრთხილება გაავრცელა რუსული დრონებით თავდასხმის შესაძლებლობაზე, კერძოდ საფრანგეთის წინააღმდეგ.

“ამ ინფორმაციის უარყოფა შეგვიძლია. CIA-ს არ შეუტყობინებია ფრანგული სპეცსამსახურები ასეთი თავდასხმის შესახებ”, - განაცხადა მაკრონმა და აღნიშნა, რომ “ვითარება სულ უფრო იძაბება და ეს აღელვებას იწვევს”.