უკრაინული მედია - რუსულმა ძალებმა კიევს დრონებით შეუტიეს - დაზიანდა საოფისე შენობა, დაიღუპა 3 ადამიანი
რუსული ძალების მიერ დრონებით განხორციელებული თავდასხმის შედეგად კიევის სოლომიანსკის რაიონში მდებარე საოფისე შენობა დაზიანდა, არიან დაღუპულები და დაშავებულები, - ინფორმაციას უკრაინული მედია ავრცელებს.
მათივე ინფორმაციით, ამ დროისთვის არსებული ინფორმაციით, დაიღუპა სამი ადამიანი და დაშავდა შვიდი.
შეგახსენებთ, რუსულმა ძალებმა კიევს დღეს დილითაც შეუტიეს, რის შედეგადაც 14 წლის მოზარდი დაიღუპა და ოცამდე ადამიანი დაშავდა. თავდასხმის შედეგად იუსტიციის უმაღლესი საბჭოს შენობა დაზიანდა.
