გერმანელი გამომძიებლები მიუნხენში თავდაცვით კომპანიების მახლობლად გაჩენილ ხანძარს რუსეთის დაზვერვას უკავშირებენ. ამის შესახებ ინფორმაციას გერმანული გამოცემა Frankfurter Allgemeine Zeitung-ი ავრცელებს.

კერძოდ, გერმანელი გამომძიებლები რუსეთის დაზვერვას უკავშირებენ ხანძარს, რომელიც სექტემბრის დასაწყისში მიუნხენში თავდაცვითი კომპანიების შტაბ-ბინების მახლობლად გაჩნდა. აღნიშნულ საქმეზე ბულგარეთის ორი მოქალაქეა დაკავებული.

ცნობისთვის, 3 სექტემბერს ღამე მიუნხენში მოძრავი მანქანიდან სამშენებლო ობიექტზე ორი ცეცხლგამჩენი მოწყობილობა გადააგდეს. აღნიშნული ობიექტი ტექნოლოგიური და თავდაცვითი კომპანიების Rohde & Schwarz-ისა და Helsing-ის შტაბ-ბინების გვერდით მდებარეობს. კომპანია Helsing-ი დრონებს აწარმოებს და მათ უკრაინელ სამხედროებს აწვდის.

გაჩენილი ხანძარი მალევე ჩააქრეს, ხოლო მეორე ცეცხლგამჩენი მოწყობილობა გაანეიტრალეს. საქმეზე ბულგარეთის ორი მოქალაქე დააკავეს - ქალი და მამაკაცი. წყაროების ინფორმაციით, ისინი შესაძლოა რუსეთის დაზვერვის ჯგუფში შედიოდნენ, რომელიც სლოვაკეთში მოქმედებს.

გერმანელ გამომძიებლებს მიაჩნიათ, რომ ლაიფციგის აეროპორტში დრონების თავდასხმისა და მიუნხენში ხანძრის უკან ერთი და იგივე ორგანიზატორი დგას - რუსეთის სამხედრო დაზვერვა.