მადრიდში სეუტას მხარდასაჭერად და ვადამდელი არჩევნების მოთხოვნით საპროტესტო აქცია გაიმართა, - ინფორმაციას ესპანური მედია ავრცელებს.

ესპანეთის დედაქალაქში გამართულ „ღირსების მარშში“ მონაწილეობა ათასობით ადამიანმა მიიღო.

მადრიდის ცენტრში შეკრებილმა ადამიანებმა სეუტაში მიგრანტების კრიზისთან დაკავშირებით ესპანეთის ხელისუფლების მოქმედება გააკრიტიკეს და ვადამდელი არჩევნების სასწრაფოდ დანიშვნა მოითხოვეს.

საპროტესტო აქციაში მონაწილეობა ოპოზიციური მემარჯვენე „ესპანეთის სახალხო პარტიისა“ და Vox-ის ლიდერებმაც მიიღეს.

შეგახსენებთ, 30 ივლისს, მაროკოდან სეუტას ანკლავში 70000-ზე მეტი მიგრანტი შეიჭრა. სეუტას ხელმძღვანელობის ცნობით, ანკლავის ტერიტორიაზე 10000-მდე მიგრანტი რჩება.