პირველ რიგში, ქედს ვიხრით დაღუპული გმირების წინაშე - რაც შეეხება იმ სამშვიდობო პოლიტიკას, რომელსაც ატარებს „ქართული ოცნების“ გუნდი - პირველ რიგში, ამ გმირების ხსოვნა გვავალდებულებს, რომ ჩვენ მხოლოდ მშვიდობით, იმ პრაგმატული პოლიტიკით და ურთიერთშერიგებით დავუბრუნდეთ ერთმანეთს - ჩვენ, ჩვენი აფხაზი და ოსი დები და ძმები, - ამის შესახებ საპარლამენტო უმრავლესობის ლიდერმა, ირაკლი კირცხალიამ გმირთა მემორიალთან ჟურნალისტებს განუცხადა.

მისი თქმით, საზოგადოების აბსოლუტური უმრავლესობის დაკვეთა და სურვილია, რომ მოხდეს ქვეყნის ტერიტორიული მთლიანობის აღდგენა მხოლოდ და მხოლოდ მშვიდობიანი გზით.

“27 სექტემბერი ერთ-ერთი ყველაზე მძიმე დღეა ჩვენი ქვეყნის უახლეს ისტორიაში. პირველ რიგში, ქედს ვხრით დაღუპული გმირების წინაშე. რაც შეეხება იმ სამშვიდობო პოლიტიკას, რომელსაც ატარებს „ქართული ოცნების“ გუნდი - პირველ რიგში, ამ გმირების ხსოვნა გვავალდებულებს, რომ ჩვენ მხოლოდ მშვიდობით, იმ პრაგმატული პოლიტიკით და ურთიერთშერიგებით დავუბრუნდეთ ერთმანეთს - ჩვენ, ჩვენი აფხაზი და ოსი დები და ძმები. საქართველომ გამოიარა ძალიან მძიმე წლები. საქართველომ თავის უახლეს ისტორიაში გაიგო, რა არის ომის ფასი. კიდევ ერთხელ, ასევე ამ გმირების ხსოვნა გვავალდებულებს, რომ მსგავსი ტრაგედია საქართველოში არასდროს განმეორდეს. სწორედ ამისთვის, საზოგადოების აბსოლუტური უმრავლესობის დაკვეთა და სურვილია, რომ მოხდეს ჩვენი ტერიტორიული მთლიანობის აღდგენა მხოლოდ და მხოლოდ მშვიდობიანი გზით. რა თქმა უნდა, ამისთვის ჩვენი გუნდი ყველაფერს გააკეთებს”, - განაცხადა ირაკლი კირცხალიამ.