თაღლითების გვერდით დგას „ალდე“, რომელიც არის ევროპული გაერთიანება. მისი ლიდერები გახლავთ კაია კალასი, მარტა კოსი და ზოგიერთი სხვა ევროპელი ლიდერები, ისინი უმაგრებენ ზურგს თაღლითებს,- ამის შესახებ პარლამენტის თავმჯდომარემ, შალვა პაპუაშვილმა განაცხადა.

როგორც მან აღნიშნა, „თუ არ იქნება შესაბამისი პასუხი, გაჩნდება ქართველი ხალხის აზრი „ალდესთან“ დაკავშირებითაც, როგორც ტერორისტების და ქსენოფობების მიმართ“.

„რაც შეეხება ე.წ. „არაბიზაციის“ სლოგანს, ეს არის სრული სიცრუე. ვნახეთ, რომ გაყიდვები დაიწყო და ქართველებიც ყიდულობენ ბინებს. ამიტომ ეს სრული აბსურდია.

ერთადერთი მიზეზი „ლელოს“ დაარსების, იყო ის რომ თაღლით ხაზარაძეს მილიონ ნახევარი წაეღო საქართველოს ბიუჯეტიდან ყალბი სარჩელით, რომელშიც ის დამარცხდა შიგნითაც და საერთაშორისო არბიტრაჟზეც. ამიტომ თაღლითური პარტიისგან არც ტერორიზმი გვიკვირს და არც ქსენოფობია.

საქმე იმაშია, რომ ამ თაღლითების გვერდით დგას „ალდე“, რომელიც არის ევროპული გაერთიანება. მისი ლიდერები გახლავთ კაია კალასი, მარტა კოსი და ზოგიერთი სხვა ევროპელი ლიდერები. აი, ისინი უმაგრებენ ზურგს თაღლითებს. მათ მხარი დაუჭირეს თაღლითებად და ტერორისტებად აღიარებულ ხალხს. ახლა იმისი კითხვა, სადამდე მივლენ? ქსენოფობიასაც დაუჭერენ მხარს?!

მე ველი პასუხს „ალდესგან“, ან „ალდე“ გაემიჯნება ქსენოფობიას, რომლის წინააღმდეგაც ბრძოლა დაანონსებული აქვთ. რადგან, ლიბერალურ პარტიას ეძახიან თავს და ყველაზე არალიბერალები ჰყავთ თავიანთ რიგებში.

თუ არ იქნება შესაბამისი პასუხი, გაჩნდება ქართველი ხალხის აზრი „ალდესთან“ დაკავშირებითაც, როგორც ტერორისტების და ქსენოფობების მიმართ“, - განაცხადა პაპუაშვილმა.