“ძლიერი საქართველო-ლელოს” ლიდერებმა ზუგდიდში, სოხუმის დაცემის დღისადმი მიძღვნილი მსვლელობის შემდეგ გმირთა მემორიალი ყვავილებით შეამკეს
კოალიციამ “ძლიერი საქართველო-ლელო” ზუგდიდში, სოხუმის დაცემის დღისადმი მიძღვნილი მსვლელობის შემდეგ ეროვნულ გმირთა მემორიალი ყვავილებით შეამკეს.
კოალიციის ლიდერებმა მემორიალთან შეკრებილ საზოგადოებას, რომელთა შორის უმრავლესობა აფხაზეთის ომის ვეტერანი და დევნილი იყო, სიტყვით მიმართეს და კიდევ ერთხელ გამოხატეს პატივისცემა ქართველი გმირების და იმ ადამიანების მიმართ, ვინც აფხაზეთის ომის უმძიმესი ფასი გადაიხადა.
კოალიციის ლიდერების განცხადებით, აფხაზეთის მშვიდობიანი გზით დაბრუნებას სჭირდება ძლიერი სახელმწიფო, ძლიერი ეკონომიკა, ძლიერი ჯარი და ევროპული განვითარების გზა.
მანამდე, კოალიციის ლიდერებმა ზუგდიდის მოსახლეობასთან ერთად აფხაზეთის გმირების ფოტობანერებით გაიარეს ზუგდიდის ცენტრალური გამზირი დადიანების სასახლემდე.
