როგორ დავჯავშნოთ ლაბორატორიული კვლევა ონლაინ - „ავერსის კლინიკის“ ახალი სერვისი
„ავერსი კლინიკამ” პაციენტების კომფორტისა და დროის ეფექტური დაზოგვის მიზნით ინოვაციური სერვისი დანერგა. ამიერიდან, “ავერსის კლინიკის სამედიცინო ლაბორატორია “ ვიზიტის წინასწარ დაჯავშნის შესაძლებლობას უშუალოდ ვებსაიტიდან სთავაზობს მომხმარებელს.
რატომ შეიქმნა ონლაინ ჯავშნის ფუნქციონალი
თანამედროვე ცხოვრების რიტმში დრო ყველაზე ღირებული რესურსია. ხშირად, დილის საათებში ლაბორატორიაში ვიზიტი და ანალიზების ჩაბარება დამატებით სტრესთან და სამუშაო თუ პირადი გეგმების არევასთან ასოცირდება. უზმოდ ყოფნა, დილის საცობები და ლაბორატორიის მისაღებში ლოდინი განსაკუთრებით უსიამოვნოა, როდესაც ადამიანი თავს შეუძლოდ გრძნობს ან უბრალოდ მჭიდრო გრაფიკი აქვს.
„ავერსი კლინიკის“ მთავარი პრიორიტეტი ყოველთვის პაციენტზე ზრუნვა, მისი უსაფრთხოება და მაქსიმალური კომფორტის შექმნაა. სწორედ ამ მისიის ნაწილია ციფრული ტექნოლოგიების ყოველდღიურ სამედიცინო მომსახურებაში დანერგვა. ონლაინ ჯავშნის სისტემის შექმნის იდეაც პაციენტების რეალური საჭიროებებიდან გამომდინარე გაჩნდა. შემცირდეს ლოდინის დრო, გახდეს პროცესი სრულად პროგნოზირებადი და სამედიცინო სერვისის მიღება მაქსიმალურად მარტივი და სასიამოვნო გამოცდილებად იქცეს.
“ავერსის კლინიკა” იცვლება და ვითარდება იმისათვის, რომ ფეხი აუწყოს თანამედროვე სტანდარტებს და თითოეულ მომხმარებელს საკუთარ დროსა და ჯანმრთელობაზე ზრუნვის საუკეთესო შესაძლებლობები შესთავაზოს.
როგორ დავჯავშნოთ ვიზიტი 4 მარტივ ნაბიჯში
ონლაინ ჯავშნის პროცესი მარტივია და ნებისმიერი ასაკის მომხმარებლისთვისაა ადაპტირებული. პროცედურა სულ რამდენიმე წამს მოითხოვს და მისი გავლით შეგიძლიათ ისარგებლოთ როგორც კომპიუტერით, ისე სმარტფონით:
- ეწვიეთ ვებსაიტს: „ავერსი კლინიკის“ ოფიციალურ გვერდზე სამედიცინო ლაბორატორიის ან ნებისმიერი კონკრეტული ანალიზის სექციაში, და ირჩევთ „დაჯავშნე ვიზიტი“
- შეავსეთ მოკლე ფორმა: თქვენი სახელი, გვარი და საკონტაქტო ტელეფონის ნომერი.
- გაიარეთ სატელეფონო კონსულტაცია: მოკლე დროში “ავერსი კლინიკის” ლაბორატორიის წარმომადგენელი თავად დაგიკავშირდებათ, შეგითანხმებთ თქვენთვის სასურველ დროსა და ლოკაციას, და აქვე გაგიწევთ წინასწარ კონსულტაციას. განგიმარტავთ, თუ რა ფიზიკური მომზადებაა საჭირო კონკრეტული ანალიზის გასაკეთებლად.
- მიიღეთ სერვისი მარტივად: დათქმულ დროს მიბრძანდით არჩეულ ფილიალში, აღარ გიწევთ საერთო რიგში დგომა და პროცედურას სრულად სტრესის გარეშე გაივლით.
რა კვლევების ჩატარება შეგიძლიათ „ავერსი კლინიკაში“
„ავერსი კლინიკის“ ლაბორატორიული ქსელი აღჭურვილია უახლესი თაობის ავტომატური ანალიზატორებითა და საერთაშორისო სტანდარტების შესაბამისი რეაგენტებით, რაც კვლევების მაღალ სიზუსტესა და სანდოობის გარანტიას იძლევა.
ონლაინ ვიზიტის დაჯავშნისას თქვენ შეგიძლიათ ისარგებლოთ დიაგნოსტიკური სერვისების სრული სპექტრით. საიტზე ხელმისაწვდომია ლაბორატორიული კვლევები, რომლებიც მოიცავს:
- პროფილაქტიკურ და რუტინულ ანალიზებს: მათ შორის ყველაზე მოთხოვნადი სისხლის საერთო ანალიზი, შარდის საერთო ანალიზი და ერითროციტების დალექვის სიჩქარე (ედსი).
- ბიოქიმიურ დიაგნოსტიკას: ღვიძლისა და თირკმლის ფუნქციური ტესტები, გლუკოზა, ლიპიდური სპექტრი, ელექტროლიტები და ბიოქიმიური ანალიზი ფერმენტების შემცველობაზე.
- ენდოკრინოლოგიურ კვლევებს: ფარისებრი ჯირკვლის, რეპროდუქციული სისტემისა და თირკმელზედა ჯირკვლის ჰორმონების ანალიზი.
- იმუნოლოგიურ და სეროლოგიურ ტესტებს: ვირუსული ინფექციების, ანტისხეულებისა და აუტოიმუნური მარკერების განსაზღვრა.
- ონკომარკერებსა და სპეციფიკურ ცილებს: ადრეული დიაგნოსტიკისა და მონიტორინგისთვის.
კვლევის დასრულების შემდეგ, ანალიზის პასუხები ხელმისაწვდომია ელექტრონულად. პასუხები შეგიძლიათ მიიღოთ, როგორც ელექტრონულ ფოსტაზე (Email), ისე კიდევ უფრო სწრაფი და მოსახერხებელი მეთოდით Viber ბოტის საშუალებით. ეს დამატებით ზოგავს დროს და სრულიად გამორიცხავს პასუხების წასაღებად კლინიკაში განმეორებით მოსვლის საჭიროებას.
სასარგებლო რჩევები ანალიზების სწორად ჩასაბარებლად
ლაბორატორიული კვლევის შედეგების მაქსიმალური სიზუსტე არა მხოლოდ აპარატურაზე, არამედ პაციენტის სწორ მომზადებაზეც არის დამოკიდებული:
- კვების რეჟიმი: სისხლის ანალიზის ჩაბარებამდე 8–12 საათით ადრე რეკომენდებულია საკვების მიღებისგან თავის შეკავება (უზმოდ ყოფნა). განსაკუთრებით მნიშვნელოვანია ეს ბიოქიმიური და გლუკოზის კვლევებისას.
- სითხის მიღება: ანალიზის ჩაბარების დილას ნებადართულია მცირე რაოდენობით სუფთა, უგაზო წყლის დალევა.
- მედიკამენტები: თუ რეგულარულად იღებთ მედიკამენტებს (მაგალითად, ჰორმონების ანალიზის წინ), აუცილებლად გაიარეთ კონსულტაცია მკურნალ ექიმთან, უნდა მიიღოთ თუ არა წამალი ანალიზის ჩაბარებამდე.
- ფიზიკური და ემოციური სიმშვიდე: პროცედურამდე 15–20 წუთით ადრე სასურველია მშვიდად ჯდომა და დასვენება.
„ჩვენი მთავარი ამოცანაა, სამედიცინო მომსახურება გავხადოთ არა მხოლოდ მაღალკვალიფიციური, არამედ მაქსიმალურად ორიენტირებული პაციენტის კომფორტზე. ონლაინ ჯავშნის სისტემის ამოქმედება კიდევ ერთი ნაბიჯია იმ ციფრულ ტრანსფორმაციაში, რომელსაც „ავერსი კლინიკა“ მუდმივად ახორციელებს. ჩვენ ვცდილობთ, დავზოგოთ ჩვენი პაციენტების ძვირფასი დრო და ანალიზების ჩაბარების პროცესი გავხადოთ სრულიად უსტრესო, სწრაფი და მოსახერხებელი.“
— „ავერსი კლინიკის“ ლაბორატორიული სამსახურის მენეჯმენტი
ჯანმრთელობაზე ზრუნვა თანამედროვე სამყაროში აღარ უნდა ნიშნავდეს დაკარგულ საათებსა და რიგებში დგომას. „ავერსი კლინიკის“ ახალი სერვისი გაძლევთ საშუალებას, მართოთ თქვენი დრო ეფექტურად და მიიღოთ უმაღლესი ხარისხის ლაბორატორიული მომსახურება ზედმეტი დაბრკოლების გარეშე.
დაგეგმეთ თქვენი ვიზიტი დღესვე: ეწვიეთ ვებსაიტს, აირჩიეთ სასურველი დრო და დარწმუნდით, თუ რამდენად მარტივია საკუთარ ჯანმრთელობაზე ზრუნვა თანამედროვე სტანდარტებით.
(R)
