საფრანგეთში ბიუჯეტის დაგეგმილი შემცირების გამო საჯარო მოხელეები გაიფიცნენ - მოსწავლეებმა სკოლების შესასვლელები გადაკეტეს, - ინფორმაციას Reuters-ი ავრცელებს.

საფრანგეთის საჯარო სექტორის თანამშრომლების პროფკავშირების ორგანიზებით დღეს ქვეყნის მასშტაბით 170-ზე მეტი საპროტესტო აქცია იმართება.

ფრანგი საჯარო მოხელეები ხელფასების გაზრდას ითხოვენ.

მოსალოდნელია, რომ პარიზში დაგეგმილ მსვლელობაში მონაწილეობას 40000-მდე ადამიანი მიიღებს.

საფრანგეთის ქალაქებში მოსწავლეებმა სკოლების შესასვლელები ნაგვის ურნებით გადაკეტეს. ლიონის ერთ-ერთ სკოლასთან მოსწავლეებსა და პოლიციას შორის დაპირისპირება მოხდა.

საფრანგეთის მთავრობა 2027 წლის ბიუჯეტის პროექტის წარდგენას ხუთშაბათს გეგმავს.