რუსულმა ძალებმა კიევში ბირთვული კვლევების ინსტიტუტს დაარტყეს, - ინფორმაციას უკრაინული მედია ავრცელებს.

უკრაინის ბირთვული რეგულირების სახელმწიფო ინსპექციის ცნობით, რუსული დრონი ინსტიტუტის ტერიტორიაზე, სადაც კვლევითი რეაქტორი მდებარეობს, 30 სექტემბერს ჩამოვარდა.

უწყებაში აღნიშნეს, რომ რეაქტორი არ დაზიანებულა და დაშავებულები არ არიან.

რუსების დარტყმის შედეგად ინსტიტუტის ტერიტორიაზე ხანძარი გაჩნდა, რომელიც მალევე ჩააქრეს.