ემანუელ მაკრონის განცხადებით, „დიდი შვიდეულის“ ლიდერები დიზელის საწვავის ფასის შესამცირებლად ბაზარზე 100 მილიონი ბარელის გატანაზე შეთანხმდნენ
„დიდი შვიდეულის“ ლიდერები დიზელის საწვავის ფასის შესამცირებლად ბაზარზე 100 მილიონი ბარელის გატანაზე შეთანხმდნენ. ამის შესახებ საფრანგეთის პრეზიდენტმა, ემანუელ მაკრონმა „დიდი შვიდეულის“ ლიდერების შეხვედრის შემდეგ განაცხადა.
მაკრონის თქმით, „დიდი შვიდეულის“ ლიდერები კოორდინირებულად მუშაობაზე შეთანხმდნენ დიზელის საწვავზე ფასების შესამცირებლად.
მისი თქმით, „დიდი შვიდეული“ შეთანხმდა სამ რამეზე: უფრო მოქნილი გახადონ წარმოება, რათა მაქსიმალურად გაზარდონ წარმოება ნავთობგადამამუშავებელ ქარხნებზე; ოთხი თვის განმავლობაში ბაზარზე გაიტანონ 100 მილიონამდე ბარელი, პარტნიორებთან ერთად და ენერგეტიკის საერთაშორისო სააგენტოს კოორდინაციის ქვეშ; მოერიდონ ზომებს, რომლებიც შეზღუდავდა ენერგიისა და ნავთობპროდუქტების გაცვლას პარტნიორ ქვეყნებს შორის.
