უკრაინის FP-9 ბალისტიკური რაკეტა, რომელსაც მოსკოვამდე მიღწევა შეუძლია, შემოდგომაზე მზად იქნება, - ამის შესახებ უკრაინის პრეზიდენტმა ვოლოდიმირ ზელენსკიმ Reuters-ს განუცხადა.

გამოცემა წერს, რომ ამ კვირაში უკრაინამ გამოაცხადა საკუთარი წარმოების ბალისტიკური რაკეტის, FP-7-ის, პირველი საბრძოლო გამოყენება, რომლის მოქმედების რადიუსი დაახლოებით 250 კილომეტრია.

ზელენსკის თქმით, მან დაურეკა მწარმოებელ კომპანია Fire Point-ს, რათა ხელმძღვანელობისთვის მოეთხოვა სწრაფად დაესრულებინათ მუშაობა უფრო შორ მანძილზე მოქმედ FP-9 რაკეტაზე, რომელსაც, კომპანიის თქმით, მოსკოვზე დარტყმა შეუძლია.

„ვკითხე მათ: სად არის ჩემი FP-9?. ჩვენ გვჭირდება FP-9. და დარწმუნებული ვარ, რომ FP-9 ამ შემოდგომაზე მზად იქნება“, - აღნიშნა ზელენსკიმ.