გერმანიის კანცლერი ფრიდრიხ მერცი უკრაინის დედაქალაქ კიევში ჩავიდა.

უკრაინული მედიის ინფორმაციით, მერცი, ამ ვიზიტით, სავარაუდოდ, შეეცდება დაარწმუნოს უკრაინა, რომ გერმანია გააგრძელებს მათ მხარდაჭერას რუსეთის წინააღმდეგ ბრძოლაში. ეს მხარდაჭერა მოიცავს დრონებსა და შორ მანძილზე მოქმედ იარაღს.

„თუ რუსეთი არ შეჩერდება, მისი ომის მანქანა ადრე თუ გვიან ჩვენს წინააღმდეგ შემობრუნდება“, - განაცხადა მერცმა უკრაინის დედაქალაქში მატარებლით ჩასვლის შემდეგ.

კანცლერს თან ახლავს ეკონომიკის მინისტრი კატერინა რაიხე და თავდაცვისა და ენერგეტიკის სფეროს კომპანიების 10 ხელმძღვანელი.