რუსეთის პრეზიდენტის პრესმდივანმა დიმიტრი პესკოვმა განაცხადა, რომ უკრაინის კონფლიქტის მოგვარების საკითხზე აბუ-დაბიში ნოემბრის პირველ ნახევარში დაგეგმილი მოლაპარაკებები სამმხრივ ფორმატში გაიმართება.

„არაფრის გამორიცხვა არ შეიძლება წინასწარ, მაგრამ აბუ-დაბიში ნოემბრის პირველ ნახევარში დაგეგმილი მოლაპარაკებები, სამმხრივ ფორმატში გაიმართება“, - განუცხადა პესკოვმა ჟურნალისტებს, როდესაც უპასუხა შეკითხვას, შესაძლებელია თუ არა ამ მოლაპარაკებების ოთხმხრივ ფორმატში ჩატარება ევროპელი წარმომადგენლების მონაწილეობით.

მისი თქმით, უკრაინის კონფლიქტის ყოვლისმომცველი გადაწყვეტა შეუძლებელია რუსეთისა და უკრაინის უსაფრთხოების საკითხების განხილვის გარეშე.

„დიახ, მართლაც, პრეზიდენტმა მოლაპარაკებების თემა გამოკვეთა: ეს არის უსაფრთხოების საკითხები ორივე ქვეყნისთვის - რუსეთისა და უკრაინისთვის - მშვიდობიანი მოგვარების მიღწევის შემდეგ. ეს მშვიდობიანი მოგვარების მიღწევის ერთ-ერთი ძალიან მნიშვნელოვანი კომპონენტია“, - განუცხადა პესკოვმა ჟურნალისტებს.

მისი თქმით, რუსეთის პრეზიდენტს ჯერ არ მიუღია გადაწყვეტილება მოლაპარაკებების ახალი რაუნდისთვის დელეგაციის შემადგენლობის შესახებ.