კრემლში აცხადებენ, რომ ვლადიმერ პუტინი და დონალდ ტრამპი ჩინეთში შეხვედრაზე უკრაინის საკითხს განიხილავენ

კრემლში აცხადებენ, რომ ვლადიმერ პუტინი და დონალდ ტრამპი ჩინეთში შეხვედრაზე უკრაინის საკითხს განიხილავენ

რუსეთის პრეზიდენტი, ვლადიმერ პუტინი და აშშ-ის პრეზიდენტი დონალდ ტრამპი ჩინეთში შეხვედრაზე უკრაინის საკითხს განიხილავენ, - ამის შესახებ რუსეთის პრეზიდენტის თანაშემწემ, იური უშაკოვმა განაცხადა.

„რა თქმა უნდა, განხილული იქნება უკრაინის საკითხი, მისი მოგვარება, შესაბამისი ამერიკული და რუსული წინადადებები და იდეები“, - განაცხადა უშაკოვმა.

მისი თქმით, ქალაქ შენჭენში, რუსეთისა და აშშ-ის პრეზიდენტებს, ვლადიმერ პუტინსა და დონალდ ტრამპს შორის ორმხრივი შეხვედრის გამართვის საკითხზე მუშაობა მიმდინარეობს.

„შემიძლია 100%-ით ვთქვა, რომ რადგან პუტინი და დონალდ ტრამპი შენჭენში იქნებიან, ისინი იქ ერთმანეთს შეხვდებიან“, - აღნიშნა უშაკოვმა.

ამასთან, უშაკოვის ცნობით, ვლადიმერ პუტინი ჩინეთის პრეზიდენტ სი ძინპინთან აზია-წყნარი ოკეანის ეკონომიკური თანამშრომლობის (APEC) სამიტის ფარგლებში ორმხრივ შეხვედრას გამართავს.

„მათი საუბარი საგარეო პოლიტიკის საკითხებს, მათ შორის უკრაინას, შეეხება“, - განაცხადა რუსეთის პრეზიდენტის თანაშემწემ.