იური უშაკოვი - ვლადიმერ პუტინსა და დონალდ ტრამპს შორის ორმხრივი შეხვედრა ხვალ გაიმართება

ვლადიმერ პუტინსა და დონალდ ტრამპს შორის ორმხრივი შეხვედრა ხვალ გაიმართება, - ამის შესახებ რუსეთის პრეზიდენტის თანაშემწემ, იური უშაკოვმა ჟურნალისტებს განუცხადა.
უშაკოვის ცნობით, რუსეთისა და აშშ-ის პრეზიდენტებს შორის ორმხრივი მოლაპარაკებები 19 ნოემბერს, ჩინეთში, APEC-ის სამიტის პლენარული სხდომის დასრულების შემდეგ გაიმართება.
„ჟურნალისტები შეხვედრის დაწყებას სამიტის პლენარული სხდომის დასრულების შემდეგ უნდა დაელოდოთ“, - აღნიშნა უშაკოვმა.
მისი თქმით, პუტინისა და ტრამპის შეხვედრაში მონაწილეობას რუსეთისა და აშშ-ის დელეგაციებიც მიიღებენ.
„მოლაპარაკებები როგორც აშშ-ის, ისე რუსეთის წარმომადგენლების მონაწილეობით შედგება“, - განაცხადა უშაკოვმა.
























