Gevision.tv მაუწყებლობას დღეს განაახლებს
Gevision.tv დღეს მაუწყებლობას განაახლებს. როგორც “ინტერპრესნიუსს~ ინტერნეტელევიზიიდან აცნობეს, ორდღიანი ძებნის შემდეგ ტელევიზიის კუთვნილი აპარატურა და ინციდენტის ამსახველი ვიდეომასალა ვერ იპოვეს, თუმცა ორი დღის შემდეგ შსს-მ მათ ახალი ვიდეოკამერა გადასცა.;
“ქალაქის პოლიციის მთავარ სამმართველოსთან მომხდარი ინციდენტის გამო ინტერნეტტელევიზიამ მაუწყებლობა 15 ივნისს შეწყვიტა. შინაგან საქმეთა სამინისტროს თანამშრომლებმა სამმართველოს შენობასთან ”გევიჟენის” ოპერატორს; ჟურნალისტური მოვალეობის შესრულების დროს კამერა წაართვეს და დააპატიმრეს. საღამოსვე ყველა ტელეკომპანიას კუთნილი აპარატურა და კასეტები დაუბრუნდა, თუმცა შინაგან საქმეთა სამინისტროში ”გევიჟენის” ვიდეოკამერა ვერ იპოვეს. ინტერნეტტელევიზია იძულებული გახდა, მაუწყებლობა შეეჩერებინა, რადგან ის ერთადერთი კამერა იყო, რომლითაც ჟურნალისტები მუშაობდნენ. ორდღიანი იძულებითი პაუზის შემდეგ Gevision.tv მაუწყებლობას განაახლებს და მუშაობას ჩვეულ რეჟიმში უკვე დღეიდან განაგრძობს”,-ნათქვამია ტელევიზიის განცხადებაში.
v-if="article.gallery" v-html="article.gallery"
