გიორგი ოვაშვილის ფილმი ‘’გაღმა ნაპირი’’ გრანადას მე–3 საერთაშორისო კინოფესტივალის გამარჯვებული გახდა

გიორგი ოვაშვილის ფილმმა ‘’გაღმა ნაპირი’’ საერთაშორისო ასპარეზზე მორიგი გამარჯვება მოიპოვა.;

ქართული მხატვრული ფილმი გრანადას მე–3 საერთაშორისო კინოფესტივალის - Cines del Sur (სამხრეთის კინო) გამარჯვებული გახდა. ფესტივალის მთავარი პრიზი გიორგი ოვაშვილს ‘’გაღმა ნაპირს’’ საუკეთესო სრულმეტრაჟიანი მხატვრული ფილმის ნომინაციაში გადაეცა. მთავარი ჯილდო ‘’ოქროს ალამბრას’’ ახლავს ფულადი ჯილდო 50 000 ევროს ოდენობით, რომელიც გიორგი ოვაშვილს გადაეცა.

‘’გაღმა ნაპირის’’ სცენარის ავტორია ნუგზარ შატაიძე, ადაპტაცია ცნობილ აზერბაიჯანელ დრამატურგს - რუსტამ იბრაგიმბეკოვს ეკუთვნის, ოპერატორი კი შაჰრიარ ასადია. ფილმში მთავარ როლებს თედო ბექაური, გალობა გამბარია, ნიკა ალაჯაევი და თამარ მესხი ასრულებენ.;

ფილმში მოთხრობილია აფხაზეთიდან დევნილი 12 წლის ლუკას ისტორია, რომელიც ცდილობს იმედი და საკუთარი თავის რწმენა დაიბრუნოს.

;