ზვიად გამსახურდიას გარდაცვალებასთან დაკავშირებულ დროებით კომისიაში ყოფილი მაღალჩინოსნების დაბარება იგეგმება

ზვიად გამსახურდიას გარდაცვალებასთან დაკავშირებული საკითხების შემსწავლელ დროებით კომისიაში ყოფილი მაღალჩინოსნების დაბარება იგეგმება.

პარლამენტში არ გამორიცხავენ, რომ დაბარებული იქნებიან; შოთა კვირაია, მაშინდელი სპეცსამსახურის ხელმძღვანელები და ზვიად გამსახურდიას თანამებრძოლები, ედუარდ შევარდნაძე.

ამასთან, პარლამენტში საუბრობენ, რომ კომისია დაინტერესდება, როგორ ჩამოვიდა ჩეჩნეთიდან ზვიად გამსახურდია, ამიტომ, საპარლამენტო კომისიისთვის ახსნა-განმარტების მიცემა იმ მფრინავსაც მოუწევს, რომელმაც ჩეჩნეთიდან გამსახურდია საქართველოში ჩამოიყვანა.

პარლამენტში იმასაც აღნიშნავენ, რომ დეპუტატი ჯონდო ბაღათურია უკვე შეხვდა გამსახურდიას პირად მფრინავს და მისგან ინფორმაცია მიიღო.

გარდა ამისა, კომისიაში დაბარებული იქნებიან ზვიად გამსახურდიას გარემოცვის წევრები, უზენაესი საბჭოს წევრები და ა.შ.;

კომისიის შექმნასთან დაკავშირებით დადგენილებას პარლამენტი დღეს მიიღებს.

;