კულტურულ ღონისძიებათა დეპარტამენტის ხელმძღვანელად შესაძლოა, ნინა წკრიალაშვილი დაინიშნოს

კულტურის სამინისტროს კულტურულ ღონისძიებათა დეპარტამენტის ხელმძღვანელის ადგილი შესაძლოა, მომღერალმა ნინა წკრიალაშვილმა დაიკავოს.

;დეპარტამენტის უფროსის ადგილი ვაკანტურია მას შემდეგ გახდა, რაც; დავით ოქიტაშვილმა თანამდებობიდან გადადგომის შესახებ განცხადება დაწერა.

;ვრცელდება ინფორმაცია, რომ აღნიშნულ პოსტს ამავე დეპარტამენტის თანამშრომელი, მომღერალი ნინა წკრიალაშვილი დაიკავებს, თუმცა ამ ინფორმაციას უარყოფს კულტურის სამინისტროს პრესსამსახურის უფროსი სოფო ხუნწარია.

;“ეს ადგილი ჯერ; ვაკანტურია და არანაირი ინფორმაცია არ არსებობს იმასთან დაკავშირებით, თუ ვინ დაიკავებს”, - განაცხადა ხუნწარიამ.

;დავით ოქიტაშვილმა გადადგომის შესახებ განცხადება გუშინ დაწერა, თუმცა არსებობს კულუარული ინფორმაცია, რომ იგი იძულებული გახდა, თანამდებობა თბილისში ~რივერდანსის~ წარუმატებელი კონცერტის გამო დაეტოვებინა.;;;

;