2010 წლის კალენდრის "საქართველოს ციხესიმაგრეები" პრეზენტაცია დღეს გაიმართება
ინტერნეტ ფორუმი;www.karavi.ge დღეს 2010 წლის კალენდრის; "საქართველოს ციხესიმაგრეები" პრეზენტაციას გამართავს. კალენდარში შესულია 42 კარაველის მოგზაურობის დროს გადაღებული 90 ფოტო, რომელიც საქართველოს 82 ციხესიმაგრეს; ასახავს.
;კალენდარი მომხმარებელს დაეხმარება უკეთ გაიცნოს საქართველოს ისტორია, მისი თავდაცვითი სიმაგრეების მრავალფეროვნება, როგორ ერწყმის არქიტექტურა ლანდშაფტს.
;კალენდარი ქართულ და ინგლისურ ენებზეა შედგენილი და მაღალი პოლიგრაფიული ხარისხით არის შესრულებული. პრეზენტაციაზე კალენდარი 10 ლარად გაიყიდება, შემდეგ კი მაღაზიათა ქსელში შევა.
;ეს კარაველთა რიგით მეორე კალენდარია, გამოცემული სერიით – „გაიცანი საქართველო!“.; გასულ წელს ამავე სერიით გამოიცა „საქართველოს ტბები“. მომავალ წელს;www.karavi.ge გეგმავს გამოსცეს კალენდარი „საქართველოს ჩანჩქერები“.
;პრეზენტაცია დღეს, 18.30 საათზე, თბილისის ნოდარ დუმბაძის სახელობის სახელმწიფო ცენტრალური საბავშვო თეატრის ფოიეში გაიმართება.
v-if="article.gallery" v-html="article.gallery"
