სოზარ სუბარი “ყველა მინუს ნოღაიდელში” გულისხმობს ყველა პოლიტიკურ ძალას, ვინც ნოღაიდელის გვერდით დგას

“ალიანსი საქართველოსთვის” წევრი სოზარ სუბარი ირაკლი ალასანიას ბოლოდროინდელ ნაბიჯებს შეცდომად აფასებს.

;;; ირაკლი ალასანიას მიერ “შედეგის მომტანი რისკიანი ნაბიჯი” მისივე თანაგუნდელმა სოზარ სუბარმა დღეს, “საზოგადოებრივი მაუწყებლის” ეთერში შეცდომად შეაფასა. სუბარის თქმით, ჭადრაკის სასახლეში მისული საზოგადოება აღიარებს, რომ მათი მოლოდინი სხვა იყო, თუმცა, იქ მისულებს სხვა რეალობა დახვდათ და ირაკლი ალასანიამ ფაქტობრივად სცადა ის, რასაც პერსპექტივა არ ჰქონდა.

;;; “მან მაინც სცადა და გამოჩნდა, რომ პრაქტიკულად არაფერი გამოვიდა”, – განაცხადა სუბარმა და ხაზი გაუსვა, რომ ირაკლი ალასანიასთვისაც ნათელი გახდა, თუ როგორ შეუძლებელია ერთობის მიღწევა ნოღაიდელთან და მის თანამოაზრეებთან.

;;; მისივე მტკიცებით, ირაკლი ალასანია ალიანსიდან არ წასულა, ძველ გზაზე რჩება და ალიანსთან ერთად აპირებს წარმატებისკენ სვლას. სოზარ სუბარმა დაადასტურა, რომ ალიანსის ფორმულა “ყველა მინუს ნოღაიდელი” ძალაში რჩება და იქვე ხაზს უსვამს, რომ ნოღაიდელში გულისხმობს ყველა პოლიტიკურ ძალას, ვინც ნოღაიდელის გვერდით დგას.

;;; მიუხედავდ სუბარის მიერ ალასანიას ნაბიჯის ნეგატიურად შეფასებისა, ყოფილი სახალხო დამცველი არ გამორიცხავს, რომ უკანასკნელ დღეებში განვითარებული მოვლენები სრულიად მოულოდნელად დადებითიც აღმოჩნდეს. მისი აზრით, ამ მოვლენებმა საზოგადოება გამოაფხიზლა, დაარწმუნა ალიანსის ერთობაში და შედეგად, ალიანსი უფრო წარმატებული იქნება.

ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 27.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა