შავ ზღვაში ქართულ-ამერიკული წვრთნა გაიმართება

აშშ-ის საზღვაო ფლოტის გემი “ჯონ ჰოლი” დღეს ბათუმის პორტში შევა. "ჯონ ჰოლი” და მისი ეკიპაჟი საქართველოს სანაპირო დაცვის პირად შემადგენლობასთან ერთობლივ წვრთნას გამართავს.

წვრთნის მიზანია, ძებნისა და გადარჩენის, გემის გაჩხრეკისა და აბორდაჟის, აგრეთვე დაზიანების კონტროლის მეთოდების დახვეწა. “ჯონ ჰოლს” ბათუმის პორტში საქართველოს მთავრობის წარმომადგენლები და ადგილობრივი მოქალაქეები შეხვდებიან.

გემის ეკიპაჟი მონაწილეობას მიიღებს საზოგადოებრივ ღონისძიებებშიც. ფრეგატი “ჯონ ჰოლი” ბათუმიდან 3 მარტს გაემგზავრება. 25 თებერვალს ამერიკული გემი ფოთის პორტშიც იმყოფებოდა.

როგორც საქართველოში აშშ-ის საელჩოში აღნიშნავენ, “გლობალური საზღვაო პარტნიორობის” პროგრამის ფარგლებში აშშ-ის მეექვსე ფლოტი, შავი; ზღვის აუზის ქვეყნებთან საზღვაო მიმოსვლის უსაფრთხოების გამტკიცებისათვის თანამშრომლობას აგრძელებს. მათივე შეფასებით, შავ ზღვაში აშშ-ის საზღვაო ფლოტის გემების რეგულარული ვიზიტები ხაზს უსვამს შეერთებული შტატების სურვილს, ხელი შეუწყოს რეგიონულ სტაბილურობას და საზღვაო პარტნიორობის გამტკიცებას.

“ჯონ ჰოლი” “ოლივერ ჰაზარდ პერის” კლასის ფრეგატია. მას ეს სახელი; ადმირალ ჯონ ლესლი ჰოლი-უმცროსის პატივსაცემად ეწოდა. ადმირალი ჰოლი აშშ-ის საზღვაო ფლოტის აკადემიის ისტორიაში ერთ-ერთი საუკეთესო ათლეტი იყო. ის იყო გამორჩეული სამხედრო მეთაური მეორე მსოფლიო ომის დროს. გემი ზღვაში 1982 წლის 26 ივნისს ჩაუშვეს. მან სწრაფად მოიპოვა უძლეველი ხომალდის რეპუტაცია. ფრეგატი “ჯონ ჰოლი” მეიპორტშია ბაზირებული.

მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
ქართული პრესის მიმოხილვა 27.05.2024
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე