სანადირო იარაღის სახეები იზრდება.
ამასთან დაკავშირებით ცვლილება "იარაღის შესახებ" კანონში შედის, რომლის ინიციატორები დეპუტატები ლაშა თორდია, კახა ანჯაფარიძე და ჩიორა თაქთაქიშვილი არიან.
კანონმდებლობით, სანადიროა იარაღი, რომელიც განკუთვნილია სარეწაო, სპორტული, სამოყვარულო და სამეცნიერო ნადირობის წარმოებისათვის.
მოქმედი ნორმით, სანადირო იარაღის სახეებია: სანადირო ხრახნილლულიანი და გლუვლულიანი ცეცხლსასროლი იარაღი; სანადირო ცივი და ცივი სასროლი იარაღი; სანადირო პნევმატური იარაღი.
კანონში ცვლილებების პროექტით კი, სანადირო იარაღის სახეები უფრო დაკონკრეტდება. კერძოდ, იქნება სანადირო გლუვლულიანი ცეცლსასროლი იარაღი (თოფი); სანადირო ხრახნილლულიანი ცეცხლსასროლი იარაღი (კარაბინი ან შაშხანა); სანადირო კომბინირებული ცეცხლსასროლი იარაღი; სანადირო ცივი და ცივი სასროლი იარაღი და სანადირო პნევმატური იარაღი.
კანონპროექტი დღეს დარგობრივი ეკონომიკის კომიტეტმა პირველი მოსმენით განიხილა და მხარი დაუჭირა.
;
;
v-if="article.gallery" v-html="article.gallery"