ერეკლე დეისაძის სკანდალური წიგნის გამო განვითარებულ მოვლენებს სტუდენტები ეხმაურებიან
ერეკლე დეისაძის სკანდალური წიგნის გამო განვითარებულ მოვლენებს სხვადასხვა სასწავლებლის სტუდენტები ეხმაურებიან.
ივანე ჯავახიშვილის სახელობის თბილისის სახელმწიფო უნივერსიტეტის “ახალგაზრული ცენტრის”, ილია ჭავჭავაძის, სოხუმისა და ტექნიკური უნივერსიტეტების, ასევე სამედიცინო ინსტიტუტისა და თავართქილაძის სახელობის უნივერსიტეტის სტუდენტები მიუღებელს უწოდებენ ძალისმიერ მეთოდებს ე.წ. “ლიბერასტების” მიმართ და გმობენ ტელეკომპანია ~კავკასიაში~ მომხდარ ფაქტს.
ამავე დროს, სტუდენტები მიიჩნევენ, რომ ისეთი წიგნების პრეზენტაცია, როგორიც არის დეისაძის ~საიდუმლო სირობა~, არ უნდა იმართებოდეს სასწავლო დაწესებულებებში და მით უმეტეს წმინდა ილია მართლის სახელობის სახელმწიფო უნივერსიტეტში.
~ვგმობთ წიგნის შინაარსს, რადგანაც ეს არის ანტიმართლმადიდებლური და ანტიეროვნული. გამოვხატავთ პროსტესტს წიგნისა და მისი ავტორის მიმართ~, - ნათქვამია სტუდენტების მიერ გავრცელებულ განცხადებაში.
ამასთან, სტუდენტები “კავკასიის” ინციდენტის შედეგად დაკავებული 8 პირის ბედითაც ინტერესდებიან და მათი პასუხისგებაში მიცემის შემთხვევაში, შესაბამის ორგანოებს იმ პირთა დასჯისკენაც მოუწოდებენ, რომლებმაც 2007 წლის 7 ნოემბერს ~ვანდალურად დაარბიეს ტელეკომპანია ~იმედი~.
აღნიშნულ თემებზე სტუდენტები დღეს, 11:00 საათზე, თბილისის სახელმწიფო უნივერსიტეტის მეორე კორპუსის წინ ბრიფინგს გამართავენ.
v-if="article.gallery" v-html="article.gallery"
