მზია კვირიკაშვილი საკუთარი საცხოვრებელი სახლიდან უკვე გამოასვენეს

მსახიობი მზია კვირიკაშვილი საკუთარი საცხოვრებელი სახლიდან უკვე გამოასვენეს . "სიცილის დედოფალს" მუხადგვერდის სასაფლაოს პანთეონში დაკრძალავენ.

უკანასკნელ გზაზე მსახიობს მისი მეგობრები და კოლეგები აცილებენ. მზია კვირიკაშვილის სახლთან იმყოფებოდა პროექტ "იუმორინას" გუნდი, თითქმის სრული შემადგენლობით.

ცნობილი მსახიობის მუხადგვერდის პანთეონში დაკრძალვის სურვილი გარდაცვლილის ოჯახის წევრებმა გამოთქვეს.

მზია კვირიკაშვილი 61 წლის ასაკში 28 ივლისს გარდაიცვალა. ის ამერიკაში შეუძლოდ გახდა და 7 ივნისს მძიმე ავადმყოფობის გამო საქართველოში დაბრუნდა. მსახიობს ღვიძლის სიმსივნე დაუდგინეს. მზია კვირიკაშვილი ესტრადაზე 30 წელზე მეტი ხნის განმავლობაში მოღვაწეობდა. ის იყო წარმატებული პროექტის "იუმორინას" ერთ-ერთი ძირითადი მონაწილე და თანაავტორი.