ახალი ბრენდის პრეზენტაცია სასტუმრო "შერატონ მეტეხი პალასში" კომპანია "იბერია რეფრეშმენტმა" გამართა .
კომპანიის გაყიდვების მენეჯერის, ლევან კასრაძის განცხადებით, "პეპსი მაქსის" ჩამოსხმა რამდენიმე დღეა, დიწყო და ახალმა სასმელმა გაყიდვების უკვე 22% შეადგინა.
"პეპსი მაქსი" ჟენშენის ნატურალურ ნაყენზეა დამზადებული და კალორიას არ შეიცავს. კომპანიის ხელმძღვანელობა იმედოვნებს, რომ ახალი მატონიზირებელი სასმელი მათ პორტფელში წამყვანი ბრენდი იქნება.
"პეპსის" კომპანია საქართველოში 9 დასახელების სახეობის უალკოჰოლო სასმელს უშვებს და ექსკლუზიური უფლებით პროდუქციის რეალიზციას სომხეთშიც ახორციელებს.
საქართველოს ბაზარზე კომპანიის წილი 30%-ს შეადგენს. ამასთან, უმაღლესი ხარისხის პროდუქციის წარმოებისთვის 68 ქარხანას შორის "პეპსი" "ხარისხის ოქროს სტანდარტით" არის დაჯილდოებული.
