უახლოეს მომავალში ე.წ. "სახელმწიფო მაკლერები" გაჩნდებიან
უახლოეს მომავალში ე.წ. "სახელმწიფო მაკლერები" გაჩნდებიან. "სახელმწიფო ქონების" შესახებ კანონში ე.წ. "მესამე პირის" ტერმინის დაზუსტება ხდება. კერძოდ, მათ პრივატიზების ინიცირების უფლება ექნებათ.
როგორც "ინტერპრესნიუსს" კანონპროექტის ერთ-ერთმა ავტორმა ლაშა თორდიამ განუცხადა, მესამე პირს, რომელსაც ექნება ინფორმაცია რეგიონში, რომელიმე სახელმწიფო ქონების პრივატიზების მსურველის შესახებ, შეეძლება იმ ობიექტის პრივატიზების ინიცირება მოახდინოს.
კერძოდ, "მესამე პირი", იქნება პირი, რომელიც უზრუნველყოფს სახელმწიფო ქონების პრივატიზების მსურველ პირთა მოძიებას და პრივატიზების გზით სახელმწიფო საკუთრებაში არსებული უძრავი ქონების პრივატიზების ხელშეწყობას. ასეთ ქმედებას "მესამე პირი" ეკონომიკისა და მდგრადი განვითარების სამინისტროსთან გაფორმებული ხელშეკრულებით მოახდენს და ამისთვის, გასამრჯელოსაც აიღებს.
კანონპროექტით, მესამე პირი, ძირითადად, სახელმწიფო საკუთრებაში არსებულ სასოფლო – სამეურნეო დანიშნულების მიწების პრივატიზების ინიცირებას მოახდენენ. ინიცირების წესი კი, ეკონომიკის მინისტრის ბრძანებით განისაზღვრება.
კანონპროექტის განხილვა პარლამენტს ჯერ არ დაუწყია.
v-if="article.gallery" v-html="article.gallery"
