საპარლამენტო კომიტეტებში ქსნის მე-7 საპყრობილეში დაბინძურებული სასმელი წყლის საკითხზე იმსჯელეს
სასჯელაღსრულების მინისტრსა და სახალხო დამცველის აპარატს ქსნის მე-7 საპყრობილეში დაბინძურებული სასმელი წყლის ექსპერტიზის განსხვავებული შედეგები აღმოაჩნდათ.
;აღნიშნულ პრობლემაზე დღეს ადამიანის უფლებათა დაცვისა და იურიდიულ საკითხთა საპარლამენტო კომიტეტების გაერთიანებულ სხდომაზე ისაუბრეს.
;სახალხო დამცველის აპარატის ინფორმაციით, ქსნის მე-7 საპყრობილეში სასმელი წყლის ექსპერტიზის მიხედვით წყალი საფრთხეს უქმნის ადამიანის ჯანმრთელობას. დიმიტრი შაშკინის თქმით კი, ექსპერტიზის დასკვნაში, რომელიც მისი სისტემის ინიციატივით ჩატარდა, ნათქვამია, რომ სასმელი წყალი ჯანმრთელობისთვის საშიში არაა.
;შაშკინმა დასძინა, რომ იგივე წყალს მოიხმარს არა მხოლოდ სასჯელაღსრულების დაწესებულება, არამედ მთელი ქსნის მოსახლეობა. პრობლემები კი მას შემდეგ შეიქმნა, რაც ერთ-ერთმა სამშენებლო კომპანიამ ნარჩენები ჭაში ჩაყარა და კანალიზაციის სისტემა დაზიანდა. მისივე განცხადებით, ქსნის მე-7 საპყრობილეში სასმელი წყლის პრობლემა სრულყოფილად მას შემდეგ მოგვარდება, როცა მთელს ქსანში განხორციელდება რეაბილიტაციის პროექტი, რომელიც პრემიერ-მინისტრთან უკვე განიხილება.
;კომიტეტების გაერთიანებულ სხდომაზე, სახალხო დამცველის მოადგილე გიორგი ჩხეიძემ და სასჯელაღსრულების მინისტრმა დიმიტრი შაშკინმა იმ ექსპერტიზის ბიუროების დასახელებისგან თავი შეიკავეს, რომელთაც განსახვებული დასკვნები დადეს.
v-if="article.gallery" v-html="article.gallery"
