ჯანდაცვის მინისტრს შრომის კოდექსი ლიბერალურ კანონმდებლობად მიაჩნია
შრომის, ჯანმრთელობისა და სოციალური დაცვის მინისტრს საქართველოს შრომის კოდექსი ლიბერალურ კანონმდებლობად მიაჩნია.
ამის შესახებ პარლამენტის დღევანდელ პლენარულ სხდომაზე შრომის, ჯანმრთელობისა და სოციალური დაცვის მინისტრმა, ანდრია ურუშაძემ პარტია "თავისუფალი დემოკრატების" დეპუტატის, გიორგი ცაგარეიშვილის საპასუხოდ განაცხადა, რომელმაც შრომის კოდექსი გააკრიტიკა და ხელისუფლებას შეახსენა, როგორც შრომის კოდექსი, ისე მონოპოლიების საკითხი ევროკავშირის მხრიდან ერთ-ერთ სერიოზულ საკითხად სახელდება.
ანდრია ურუშაძემ კი დეპუტატებს მოუწოდა, არ შერცხვეთ, რადგან შრომის რეგულირება საქართველოში საკმაოდ ლიბერალურია.
მისი თქმით, საქართველოს უფრო ლიბერალური და ადამიანზე ორიენტირებული, ასევე დამსაქმებელზე და დასაქმებულზე ორიენტირებული კანონმდებლობა აქვს, თუმცა ანდრია ურუშაძეს მიაჩნია, რომ კანონი შეიძლება დაიხვეწოს და შრომის კანონმდებლობით უფრო დაცული იყოს.
v-if="article.gallery" v-html="article.gallery"
