ელექტრონული საჯარიმო ქვითარი სამართალდამრღვევისთვის ჩაბარებულად მისი ამობეჭდვის შემთხვევაში ჩაითვლება
ელექტრონული საჯარიმო ქვითარი სამართალდამრღვევისთვის ჩაბარებულად მისი ამობეჭდვის შემთხვევაში ჩაითვლება.
ამასთან დაკავშირებით ცვლილება "ადმინისტრაციულ სამართალდარღვევათა" კოდექსში პარლამენტმა დღეს დაამტკიცა.
მიღებული გადაწყვეტილებით, თუ ადმინისტრაციულ სამართალდარღვევაზე შედგენილ ჩვეულებრივ ოქმს ხელი უნდა მოაწერონ მისმა Dშემდგენელმა და ჩამდენმა, შინაგან საქმეთა სამინისტროს უფლებამოსილი პირის მიერ გამოცემულ ელექტრონულ საჯარიმო ქვითარზე ხელმოწერის ვალდებულება არ არსებობს.
ასევე, შინაგან საქმეთა სამინისტროს უფლებამოსილი პირის მიერ გამოცემულ ელექტრონულ საჯარიმო ქვითარზე ხელს აწერს მხოლოდ მისი გამომცემი თანამდებობის პირი. თავად ელექტრონული საჯარიმო ქვითარი კი სამართალდამრღვევისთვის ჩაბარებულად უფლებამოსილი პირის მიერ მისი ამობეჭდვის შემთხვევაში ჩაითვლება.
v-if="article.gallery" v-html="article.gallery"
