"საქართველოს ბანკმა" "თბილისი მოლში" ახალი Express სერვის-ცენტრი გახსნა
"საქართველოს ბანკმა" სავაჭრო ცენტრში "თბილისი მოლი" ახალი Express სერვის-ცენტრი გახსნა.
როგორც "ინტერპრესნიუსს" ბანკიდან აცნობეს, ახალი ულტრათანამედროვე დიზაინის Express სერვის-ცენტრები, მომხმარებელს ყველაზე მოხერხებულ, სწრაფ და მარტივ მომსახურებას სთავაზობს.
"საქართველოს ბანკის" Express სერვის-ცენტრებში მოწყობილია ორი ზონა – მომხმარებელს ემსახურებიან როგორც მოლარე-ოპერატორები, ასევე არის თვითმომსახურების ზონა, სადაც 24 საათის განმავლობაში ხელმისაწვდომია: ინტერნეტ-ბანკი, თვითმომსახურების ტერმინალი PayBox–ი და ბანკომატი.
Express სერვის-ცენტრების მომსახურების ზონა, სადაც მომხმარებელს მოლარე–ოპერატორები ემსახურებიან, ხელმისაწვდომია ყოველდღე, 09:00-დან 21:00 საათამდე, ხოლო შაბათ–კვირას 10:00-დან 18:00 საათამდე.
ამ დროისთვის "საქართველოს ბანკის" 32 Express სერვის-ცენტრი მოქმედებს.
v-if="article.gallery" v-html="article.gallery"
